“Пароди” хамтлагийн жүжигчин Т.Анхбаяр хорт хавдраар өвдөж, ард түмнээс тусламж хүслээ. Тэрбээр энэ сард ховор төрлийн тохиолддог нармайн хорт хавдраар оношлогдсон байна. Тиймээс БНСУ-д яаралтай эмчилгээнд орох шаардлагатай болсон бөгөөд эмчилгээний зардалд 300 сая төгрөг хэрэгтэй байгаа аж. Иймд хамтлагийнх нь зүгээс ийнхүү ард түмнээс тусламж хүсэж, хандивын аян өрнүүлж байна. Хандив өгөх данс: Хаан банк- 5025657382 Данс эзэмшигч: Түмэндэмбэрэлийн Анхбаяр
Зохиогч: Урлаг
Монголын дэлгэцийн урлагийн сор бүтээлүүдийг ур чадвар, авьяасаараа амилуулж, түүхэн киноноос авахуулаад орчин үеийн шилдэг драм, ээдрээт амьдралыг харуулсан олон ангит кино, цуврал бүтээлүүдэд бүтээсэн дүрүүдээрээ хэдийнээ олонд танигдаж, хайр хүндлэлийг хүлээсэн жүжигчин бол Ч.Болд. Ч.Болд СУИС-ийг 2001 oнд Ардын жүжигчин, нэрт найруулагч Г.Жигжидсүрэнгийн удирлагад жүжигчин мэргэжлээр суралцаж төгсжээ. Уран бүтээлийн гараагаа 2001 онд “Бидний найзын дурлал” киногоор эхэлж, үргэлжлүүлэн “Овжин охид”, “Сүүгээр ариусдаг хорвоо”, “Үүлэн чөлөөний нар”, “Надтай гэрлээч”, “Боолын гэрээ”, “Бид дөрвийн хайр”, “Богд хаан”, “Ах дүүс”, “Бодлын хулгайч”, “Тоглоомын дүрэм”, “Босго тотго”, “Хүдэн”, “Луйвар”, “Мөрдөгч”, “Бохир ертөнц”, “Хүсэл”, “Долдугаар тусгай тасаг”, “Халуун мөс”, “Made in Ulaanbaatar”, “Орилоон”,…
Үндэсний бичиг үсгийн баярт зориулан Монгол Улсын Үндэсний номын сангаас уламжлал болгон зохион байгуулж буй “Монгол бичгийн цахим бичвэр-IV” улсын уралдаан 2025 оны дөрөвдүгээр сарын 25-ны өдөр болно. Монгол хэлний тухай хуулийн дагуу 2025 оноос төрийн албан хэргийг кирилл болон үндэсний хос бичгээр хөтлөн явуулж байна. Албан хэргийг үндэсний бичгээр хөтлөн явуулах үндэс нь цахим бичвэр боловсруулах чадвартай мэргэжилтэн бэлтгэх явдал юм. Иймд тус улсын уралдаанаар дамжуулан монгол бичгийн цахим хэрэглээг нэмэгдүүлэх, монгол бичгээр цахим бичвэр боловсруулах чадавхтай мэргэжилтнүүдийг бэлтгэх, ур чадварыг дээшлүүлэхийг зорьж байна. Уралдааныг мэргэжлийн болон мэргэжлийн бус гэсэн ангиллаар компьютерт юникодын болон юникодын бус фонтоор бичих журмаар…
Найруулагч, жүжигчин, кино зохиолч Чарльз Спенсер Чаплин 1889 оны энэ өдөр буюу дөрөвдүгээр сарын 16-нд мэндэлжээ. Чарли Чаплин бол кино урлагийн түүхэнд төрөн гарсан хамгийн чадварлаг уран бүтээлчдийн нэгт зүй ёсоор тооцогддог эрхэм билээ. Живэр сахал, бүрх малгай, хар хослолтой төрхөөрөө дэлхийн нийтийн танил болсон тэрбээр Английн Лондон хотын ядуусын дүүрэгт Чарльз Чаплин Сениор болон Ханна Хилл Чаплин нарын хүү болон мэндэлжээ. Бага нас Түүний эцэг Чарльз Чаплин Сениор Лондон хотод чамгүй алдартай дуучин байсан ч архинд орж, амьдралаа алдаж, хожим гэрлэлтээ цуцлууж байв. Ийнхүү эцэг, эх нь салсны дараа Чарли Чаплин өөрийн дүүгийн хамтаар асрамжийн газарт хүргэгдэж байсан удаатай.…
“Т-ARA” хамтлагийн гишүүн асан А Рымд шүүхээс зургаан сарын хорих, хоёр жилийн тэнсэн харгалзах ял оноожээ. Түүнд холбогдох залилангийн гэмт хэргийн шүүх хурал энэ сарын 15-ны өдөр Сувон дүүргийн Ансан шүүхэд болж өнгөрчээ. Энэ жил 31 нас хүрч буй А Рым нь 2023 оны гуравдугаар сараас тавдугаар сарын хооронд танилууд болон шүтэн бишрэгчдээсээ ойролцоогоор 37 сая вон зээлжээ. Мөнгөө эргүүлэн өгнө гэж амласан ч хэлсэн хугацаандаа өгөөгүй тул хохирогчид түүнд эрүүгийн хэрэг үүсгэн, шүүхэд ханджээ. Тэрбээр өмнө нь хүүхдийн хүчирхийлэл болон бусдын нэр төрд халдсан хэргээр найман сарын хорих ял, хоёр жилийн тэнсэн харгалзах ялаар шийтгүүлж байсан билээ. Уг хэргийг…
Монгол орноос Цэрдийн галавын үед буюу 90 сая жилийн өмнө үлэг гүрвэлүүдтэй зэрэгцэн амьдарч байсан эртний хөхтөн амьтны нэгэн шинэ төрөл зүйлийг анх удаа бүртгэжээ. Түргэн хөдөлгөөнтэй, жижиг биетэй энэхүү амьтныг “Равжаа иший” хэмээн нэрлэсэн байна. Энэ төрлийн амьтдын үлдвэр Европ, Ази, Африк, хойд Америкийн зарим орноос олддог ч Монголоос анх удаа олдсон нь энэ юм. Энэхүү амьтны үлдвэрийг Дорноговь аймгийн Баянширээ уулын орчмоос цуглуулжээ. Энэ нь цэрдийн галавын хөхтөн амьтдын төрөл зүйлүүдийн онцлог, уур амьсгал, газар зүйн хувьд хэрхэн тархаж байсныг илтгэх шинэхэн олдвор болов. Амьтны шүдний хэлбэр дүрсэд хийсэн палеонтологийн судалгаагаар Равжаа нь хулганатай ижил жижиг биетэй, өвсөн идэштэй, тэжээлээ…
Дундговь аймгийн музейн сан хөмрөгт “уран” Ц.Сумьяагийн мөнгөлсөн шаазан аяга, аяганы уут, ясан шатар, ясан сийлбэр, гуулин цутгамал хадгалагдаж байна. Түүний олон бүтээл олон улсын үзэсгэлэнд тавигдаж, нэлээдийг нь бэлэг дурсгалд өгчээ. Цэндийн Сумьяа 1916 онд Түшээт ваны хошуу, одоогийн Дундговь аймгийн Эрдэнэдалай сумын нутагт малчны гэр бүлд төржээ. Багадаа хийдэд шавилан суусан боловч удалгүй хар болж, ардын цэрэгт явж, халагдан ирээд гэрлэж, нутагтаа амьдарсан байна. Тэрбээр мал маллаж байгаад сумынхаа хүн эмнэлэгт бага эмчийн зиндаанд ажиллаж, улмаар нэгдлийн гишүүн болж, олон жил дархан, мужаанаар ажиллажээ. Нутгийнхандаа “Төмрийн хаан” хэмээн алдаршсан цуутай уран дархан байсан гэдэг. Эрдэнэдалай суманд олон айлд алхан хээ,…
Монголын хип хоп ертөнцийн томоохон төлөөлөгчдийн нэг болох “Ice top” хамтлагийн Boogii болон реппер Desant, реппер Ginjin нар хамтран “In Da Huree” тоглолтоо зохион байгуулах гэж байна. Тоглолт ирэх тавдугаар сарын 10-ны өдөр “Socialpay park”-т болно. Энэхүү тоглолт нь энэ зуны анхны задгай талбайн том шоу тоглолт байх бөгөөд хип хоп урсгалыг өөр өөрсдийн өнгө аясаар илэрхийлэх тэдний “In Da Huree” тоглолтын тасалбарыг зөвхөн ticket.mn-ээр дамжуулан авах боломжтой аж.
Стриминг үйлчилгээний “HBO Max” платформоос шидтэн хүү Харри Поттерын тухай цуврал хийхээр болсноо YouTube хуудсаараа дамжуулан албан ёсоор зарласан. Энэхүү цуврал нь нийт долоон бүлэг үргэлжлэх бөгөөд тус бүр Жоан Роулингийн боть номон дээр суурилсан аж. Төслийн гүйцэтгэх продюсерын ажлыг Нил Блэр, Рут Кенли-Леттс, Жоан Роулинг нар хариуцахаар болоод буй. Тэгвэл тус компаниас тоглох жүжигчдийн нэрсийг зарлаж эхэллээ. Энэ удаад “томчууд”-д тоглох жүжигчдийн нэрсийг тодруулсан юм. HBO-гийн зүгээс өнгөрсөн есдүгээр сард киноны гол дүрүүд болох Харри, Хермайни болон Рон нарын дүрд сонгон шалгаруулалт зарласан бөгөөд 32,000 гаруй хүүхэд өргөдлөө илгээжээ. Түүнчлэн цувралын зураг авалт 2026 онд эхлэх төлөвлөгөөтэй байгаа бөгөөд…
Хойд Америкийн хамгийн том хөгжмийн наадам болох “Coachella” уламжлал ёсоор Калифорни мужийн Индио хотын “Empire Polo Club”-т эхэллээ. Өнөө жилийн наадам дөрөвдүгээр сарын 11-13, 18-20 өдрүүдэд болох юм. Наадмын headlinerбуюу голлох уран бүтээлчдээр Lady Gaga, Трэвис Скотт, Post Malone болон рок хөгжмийн хамтлаг “Green Day” нар оролцож буй. Цаашлаад Megan Thee Stallion, Charli XCX, Анитта, Клайро, Тайла тэргүүтэй сонсогчдын сайн мэдэх алдартнууд болон бусад олон хамтлаг, дуучид наадмын бүрэлдэхүүнд багтсан юм. Мөн “Blackpink” хамтлагийн Женни болон Лиза нар соло уран бүтээлчийн хувиар анх удаа “Coachella” наадамд уран бүтээлээ толилуулжээ.