“Бидний сонирхол-Миний хобби” сэдэвт цуглуулгын үзэсгэлэнг Соёлын төв өргөөнд нээлээ. Энэхүү үзэсгэлэн Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулах “Төрийн цэргийн болон хууль сахиулах байгууллагуудын ахлах офицеруудын чуулга уулзалт”-ыг угтсан ажлын хүрээнд болж буй. Зэвсэгт хүчний Жанжин штабын мэдээлснээр, үзэсгэлэнд төрийн цэргийн болон хууль сахиулах 11 байгууллагын 35 ахлах офицерууд өөрийн цуглуулгын онцгой бүтээлээ дэлгэн олон нийтэд толилуулж байна. Цаашид олон нийтэд чиглэсэн соёл, урлагийн төрөл бүрийн үйл ажиллагааг зохион байгуулахаар төлөвлөж байгаа ажээ.
Зохиогч: Урлаг
Хүүхдийн Урлан Бүтээх Төвийн 2025-2026 оны хичээлийн жилийн элсэлтийн бүртгэл энэ сарын 2-нд эхлээд байна. Энэ жил нийт 20 төрлийн дугуйланд бүртгэх бөгөөд бүх сургалт үнэ төлбөргүй юм. Бүртгэл энэ сарын 2-12-ны өдрүүдэд явагдаж байна. -Хичээлийн цаг: Даваа, Лхагва гариг өглөө ээлж 09-11 цаг, Өдөр ээлж 14-16 цаг Мягмар, Пүрэв гариг өглөө ээлж 09-11 цаг өдөр ээлж 14-16 цаг хүртэл байх юм байна. Бүртгүүлэхдээ өөрсдийн биеэр Хүүхдийн Урлан Бүтээх Төвийн байранд очих аж. Ингэхдээ Төрсний гэрчилгээ /хуулбар/, Цээж зураг 1 хувийг авч очно. Сургалтад ЕБС-ийн 2-12 дугаар ангийн суралцагчид хамрагдах боломжтой.
“BIG BANG” хамтлагийн ахлагч, дуучин, продюсер G-Dragon хувийн онгоцныхоо зургийг цахим орчиндоо нийтэлсэн нь багагүй маргаан дэгдээжээ. Түүний уг зургийг менежер нь цахим орчинд нийтэлсэн байх бөгөөд уг онгоц дээр G-Dragon-ы “Peaceminusone” брэндийн лого болон гарын үсэг, хамтран ажиллаж буй үнэт эдлэлийн брэнд болох “Jacob&Co”-гийн логог байршуулсан байх аж. Мөн онгоцны дотоод засал зэргийг харуулсан зургууд байх ба зарим интернэт хэрэглэгчид түүнийг байгаль орчинд сөрөг нөлөө үзүүлж байна хэмээн шүүмжилж эхэлжээ. Түүнийг зөвхөн ганцаараа нисэхийн тулд нүүрстөрөгчийн ялгаруулалтыг нэмэгдүүлж байна хэмээн шүүмжилсэн бол шүтэн бишрэгчид нь энэхүү шүүмэлжлэл ямар ч утгагүй зүйл хэмээн өөрсдийн үзэл бодлыг илэрхийлжээ. ямар ч утгагүй…
Америкийн “Paramount” студи “Call of Duty” видео тоглоомоос сэдэвлэн уран сайхны кино бүтээхээр болсноо зарлажээ. Холливудын нэр хүндтэй тус студийг програм хангамжийн салбараас төрөн гарсан тэрбумтан болох Эллисоны гэр бүл саяхан худалдаж авсан юм. “Oracle” компанийг үүсгэн байгуулагч Ларри Эллисоны хүү Дэвид Эллисон өнгөрсөн сараас “Paramount”-ын удирдах албан тушаалыг хашиж эхэлжээ. Ингэснээр “Top Gun”, “The Godfather” зэрэг алдартай кинонуудыг бүтээж байсан боловч өдгөө хүндхэн нөхцөл байдалд ороод буй студийг сэргээх томоохон ажлыг тэрбээр ахалж байна. “Call of Duty” цуврал тоглоом нь 500 сая хувь борлогдсоноор дэлхийн хамгийн их борлуулалттай тоглоомуудын нэгд зүй ёсоор тооцогддог. Өдгөө уг тоглоомыг 100 сая гаруй хүн сар тутамд тоглодог байна. Д.Эллисон хэлэхдээ “Call of Duty” тоглоомын шүтэн бишрэгчийн хувьд энэ бол үнэхээр мөрөөдөл биелэж буй хэрэг мөн гэжээ. “Call of Duty” цуврал тоглоомыг “Activision-Blizzard” компанид бүтээдэг бөгөөд 2023 онд “Microsoft” тус компанийг 69 тэрбум ам.доллароор худалдаж авсан…
Дэлхийн тэргүүлэгч стриминг платформ “Netflix” ирэх аравдугаар сард нээлтээ хийх “Physical: Asia” шоунд өрсөлдөх орнуудыг албан ёсоор зарлалаа. Энэхүү шоу нь 2023 онд цацагдсан “Physical: 100” цувралын өргөжүүлсэн, олон улсын хувилбар бөгөөд үзэлтээрээ олон оронд тэргүүлж, үзэгчдийг татаж чадсан юм. “Physical: Asia” шоуны анхны трэйлэр есдүгээр сарын 2-нд “Netflix”-ийн албан ёсны хуудаснаа цацагдаж, оролцох найман улсыг зарлаад буй. Үүнд, Монгол, Австрали, Филиппин, Тайланд, Өмнөд Солонгос, Япон, Индонез, Турк улс багтсан байна. “Ази тивийн шилдэг тамирчид хүч чадал, тэсвэр хатуужлаа сорин өрсөлдөнө. Эцэст нь аль улс тугаа мандуулах бол?” хэмээн тус бичлэгт дурдаад буй. Оролцогч улсын дунд Монгол Улсын төрийн далбаа…
“Чингис хааны мартагдсан хотууд” баримтат кино тун удахгүй Монголд нээлтээ хийнэ. Францын медиа компани, нэрт түүх судлаач Marie Favereau болон олон улсын археологчдын хамтын ажиллагааны үр дүнд хийсэн тус бүтээлээр Монголын эзэнт гүрний мартагдсан хотуудын нууц, Чингис хааны түүхийн шинэ өнцгийг дэлхийтэй хуваалцаж байгаа юм. Франц хэлээр, монгол хадмал орчуулгатай гарах энэхүү киног есдүгээр сарын 20-нд “Тэнгис” кино театрт үнэ төлбөргүй үзэх боломжтой. Түүх судлаач Marie Favereau нарын археологчид ч мөн энэ өдөр үзэгчидтэй уулзахаар хүрэлцэн ирэх аж.
Монголын дүрслэх урлагийн түүхэнд ул мөрөө тодоор тамгалсан, Төрийн соёрхолт, Ардын зураач Үржингийн Ядамсүрэнгийн мэндэлсний 120 жилийн ойг угтан “Урлахуйн өв” гэр бүлийн үзэсгэлэнг Урчуудын эвлэлийн галерейн танхимд олны хүртээл болгож байна. Энэ сарын 10-ныг дуустал толилуулах эл үзэсгэлэнд түүний гэргий, зээгт наамалч Я.Люня болон үр хүүхдүүд, дүрслэх урлаг, дизайны “Анима” сургуулийн үе үеийн төгсөгчдийн бүтээлүүдийг дэлгэснээрээ онцлогтой. Гурван үеийн уран бүтээлчдийн өв, тус тусын арга барил, дотоод ертөнцийг дэлгэн харуулах “Урлахуйн өв” үзэсгэлэнгээс түүний охин Я.Туяагийн аавынхаа гэгээн дурсгалд зориулан 2002 онд урласан “Ядамсүрэн” хөргийг тольдох боломжтой. Тэрбээр аавынхаа гарт хөөрөг атгуулж, ширээн дээр зургийн хэрэгслийг нь өрж, дүрслэхдээ…
Дэлхийн хөгжмийн ертөнцийн хатан хаан хэмээгдэж буй дуучин Бейонсе өнөөдөр 44 нас хүрч байна. Бейонсе Жизель Ноулес Картер буюу Бейонсе 1981 оны энэ өдөр буюу есдүгээр сарын 4-нд АНУ-ын Хьюстон хотод мэндэлжээ. Бага сургуульд байхааасаа л дуулах дуртай байсан түүнийг эцэг эх нь дэмжсэнээр багадаа дууны уралдаанаас хэд хэдэн шагнал авч байжээ. 1990 онд тэрбээр “Destiny’s child” хэмээх нэртэй охидын хамтлаг байгуулж, удалгүй нэг гишүүн нь гарсанаар тэр гурван гишүүнтэйгээр цааш үргэлжлүүлэн нэрд гарсан юм. 2003 онд “Destiny’s child” хамтлаг таран, гишүүд тус тусын соло замналаа хөөх болжээ. Бейонсе реппер, продюсер Jay Z -тэй хамтран “Crazy In Love” дуугаар дебют…
20 гаруй жилийн турш сонсогчдын сэтгэл зүрхэнд хоногшсон хит дуунуудын эзэн, Монголын хип хопын түүхэнд гэрэлтэх тод өнгө “Татар” хамтлагийн ахлагч Д.Батзаяатай уран бүтээлийн сонин сайхан болон удахгүй нээлтээ хийх киноных нь талаар ярилцлаа. -2000-аад оны үеийн сор болсон хамтлагуудын нэг нь яахын аргагүй Татар. Хамтлагийнхаа сүүлийн үеийн сонин сайхнаасаа хуваалцана уу? -Манай хамтлаг 2003 онд үүсэн байгуулагдаж байлаа. Бид өдийг хүртэл уран бүтээлээ тасралтгүй туурвиж явна. Хэсэг хугацаанд би бие даасан уран бүтээлүүд хийж байсан. Тэгээд одоогоос долоон жилийн өмнөөс хамтлагаараа уран бүтээлээ туурвиж байна. Мөн өчигдөрхөн дуучин П.Баярцэнгэлтэй хамтран хийсэн “Оддын доор” гэх шинэ уран бүтээлээ өлгийдөн авлаа.…
Аргентины нийслэл Буэнос-Айрес хотноо болж буй Танго бүжгийн дэлхийн аварга шалгаруулах тэмцээний /ДАШТ/ мягмар гараг /2025.09.02/-т болсон эцсийн шатанд Аргентины хос Леандро Бойко, Микаэла Гарсиа нар түрүүлжээ. Тэмцээнийг зохион байгуулагч хотыг төлөөлөн оролцсон Л.Бойко, М.Гарсиа нар бүжигчдийн хоорондын харилцаа, үсрэлт, пируэт зэргийг харгалзан бүжгийн дэглэлтээр шалгаруулдаг төрөлд тэргүүн байр эзэлсэн байна. Энэхүү олон улсын тэмцээнд дэлхийн 50 гаруй орны 841 хос оролцсон нь түүхэн дээд үзүүлэлт болжээ. Наймдугаар сарын 20-нд эхэлсэн тэмцээний сонгон шалгаруулалтын үеэр 20 гаруй театрт үзүүлбэр үзүүлсэн байна. Даваа гарагт болсон танго бүжгийн трек төрлийн тэмцээнд мөн л аргентин хос болох Диего Ортега, Алдана Силвейра нар түрүүлжээ. Энэхүү төрөл нь Буэнос-Айресын бүжгийн өргөөнүүдэд тангог хэрхэн бүжиглэдгийг харуулдгаараа онцлогтой байна.