Уянгалаг, намуухан хоолойгоор олон хит дууг олны хүртээл болгож, 1990-ээд оны сүүлчээс Орост төдийгүй олон улсад танигдсан үзэсгэлэнт дуучин бол Алсу. Алсу буюу Алсу Ралифовна Абрамова 1983 онд Татарстаны Бугульма тосгонд төржээ. Түүний Алсу хэмээх нэр нь “Сарнайн ус” гэсэн утгатай аж. 1999 онд Алсу 16-хан настайдаа өөрийн анхны “Зимний сон” дууг гаргаж, эл дуу нь цацагдсан даруйдаа хит болж байв. Харин тэрбээр анхны цомгоо өөрийн нэрээр “Алсу” хэмээн нэрлэж, 1999 онд гаргажээ. 2000 онд тэрбээр “Евровидение” дуулаачдын олон улсын уралдаанд Оросыг төлөөлөн оролцож, “Solo” уран бүтээлээрээ дэд байрт шалгарч байв. Ингэж Орост төдийгүй олон улсад танигдсан тэрбээр 2001 онд англи…
Зохиогч: Урлаг
Монгол Улсын Гавьяат жүжигчин, дуучин Т.Ариунаагийн “Анхны хайр”, “Нандин учрал” хэмээх хоёр пянз гаргажээ. Тодруулбал, тэрбээр есөн уран бүтээлээс бүрдсэн “Анхны хайр”, арван уран бүтээлээ шилж багтаасан “Нандин учрал” пянзыг сонсогчдодоо хүргэхэд бэлэн болсон байна. Эдгээр пянзны нээлт ирэх тавдугаар сарын 4-нд “Chinzo’s records room” пянзны дэлгүүрт болно. Дуучин Т.Ариунаа эл талаараа “Энэ бол зөвхөн хөгжимд дурлагсад, пянз цуглуулагчдад төдийгүй, зүрх сэтгэлээрээ холбогдсон дурсамжаа амилуулах ховорхон боломж” гэжээ. Нээлтийн үеэр олон улсын түвшний дугаралттай, тансаг хэвлэлтэй, зүрхэнд шингэсэн дурсамжит уран бүтээлүүдийг багтаасан пянз худалдан авч, дуучин Т.Ариунаагаас гарын үсгийг нь зургуулан авах боломжтой. Ташрамд, дуучин Т.Ариунаа ирэх наймдугаар сарын 23-нд…
Жүжигчин Пак Со Жүн хүүхдийн амьд аварсан тухай мэдээлэл олон нийтийн сүлжээнд цацагдаж, олны талархлыг хүлээгээд байна. Энэ тухай бичсэн гар бичвэрийг тэрбээр өөрийн инстаграм хуудаснаа оруулсан байх ба уг бичвэр нь түүнээс тусламж авсан хүүхдийн эцэг, эхийн бичсэн гар бичвэр ажээ. Уг бичвэрт “Пак Со Жүний ачаар хүүхэд маань хагалгаагаа амжилттай хийлгэж чадсан. Хүүхэд маань 2024 оны нэгдүгээр сард тархины хорт хавдараар оношлогдсон. Бид сэтгэл санаа хийгээд санхүүгийн хувьд хэцүү байдалд ороод байсан. Хүүхдийнхээ өвчний тухай анх мэдээд энэ хорвоо дээр зөвхөн манай гэр бүлд л азгүйтэл тохиож буй мэт санагдсан. Маш их бухимдаж байсан ч одоо цус төлжүүлэх үүдэл эс…
“Хубилай хаан” Хятадын олон ангит кино “Weibo” олон нийтийн сүлжээнд бүрэн хэмжээгээр байршсан талаар Хятадын хэвлэл мэдээлсэн байна. Нийт 60 ангитай тус киног гурван сарын дотор 200 юаниар үзэх боломжтой болжээ. Тус киног 2017 онд бүтээсэн бөгөөд гол дүрүүдэд дандаа Монгол жүжигчин тоглосноороо Хятадын өмнөх “Хубилай хаан” киноноос ялгаатай. Юань гүрний түүх одоо ч Хятадад олон асуудал дагуулдаг тул киног бүтээхийн тулд Хятад, Монгол болон бусад орноос 100 гаруй эрдэмтэн, түүхч нарыг урьжээ. Зохиолыг бичихийн тулд маш олон эрдэм шинжилгээний хүрээлэн, их сургууль оролцсон юм.
Финландын нэрт хөгжмийн зохиолч Ян Сибелиусийн мэндэлсний 160 жилийн ойг тохиолдуулан Улсын Филармонийн Симфони оркестр өнөөдөр 2025 оны дөрөвдүгээр сарын 30-ны өдөр 19:00 цагаас Улсын Филармонийн концертын танхимд тоглох гэж байна. Улсын Филармонийн тайзнаа Ян Сибелиусийн зохиолууд 11 жилийн дараа амилж байгаа нь энэ бөгөөд “Карелия” чуулбар, “Хийлийн концерт” /рэ минор/, “Финландиа” зэрэг томоохон бүтээлүүдийг удирдаач Д.Нямдаш удирдан тоглуулах ба хийлийн концертыг залуу хийлч Э.Эмүжин гоцлох юм. Түүнчлэн дэлхий даяараа хэрэглэж буй компьютер дээрх нот бичлэгийн “SIBELIUS” программыг суут зохиолчийн нэрээр нэрлэж 1993 оноос эхлэн хэрэглээнд нэвтрүүлсэн байдаг ажээ. Ян Сибелиусийн зохиол бүтээлүүд нь ард түмнийхээ тэмцэл, эр зориг, эх…
Уран бүтээлч Бурмаагийн Мөнхбүрэн анхны уран бүтээлийн “Таанын үнэр” үзэсгэлэнгээ “Монгол арт” галерейд дэлгэлээ. Тэрбээр “Өөрийн өсөж төрсөн нутгийн хөх уулс, намхан бор толгодын дунд хүүхэд ахуй настай минь хамт үлдсэн тэрхүү дурсамж дурдатгалаа өөрийн амьдралын мөчид үзсэн харсан туршлага бүхэнтэйгээ сүлэлдүүлэн энэхүү үзэсгэлэнгээ үзэгч түмэндээ хүргэж байна. Бүтээлдээ үд алдам уудам говийн дунд цээж ханз татам ариун агаарт орших нүүдэлчин түмний ахуй соёлын зураглалыг шингээн дүрслэхийг зорилоо. Усан будаг болон тосон будгийн техникүүдийг ашиглан, бийрний хөнгөн бичилтээр зоримог бичихийг илүүд үзлээ” гэсэн юм. “Таанын үнэр” үзэсгэлэн ирэх тавдугаар сарын 4-нийг дуустал үргэлжилнэ.
Сүүлийн жилүүдэд гарсан хамгийн сонирхолтой бөгөөд аймшигтай цус сорогчийн тухай бүрэн хэмжээний кино хэмээн нэрлэгдээд байгаа “Sinners” кино нээлтээ хийсэн өдрөөсөө хойш ашиг орлогоороо “Box оffice”-ийг тасралтгүй тэргүүлсээр байна. Тодруулбал, тус бүтээл нь нээлтээ хийсэн хоёр дахь долоо хоногтоо 45 сая ам.долларын ашиг олсон нь эхний долоо хоногтойгоо харьцуулахад ердөө зургаан хувийн бууралттай байжээ. Энэхүү үйл явдал нь кино урлагийн түүхэнд ховорхон тохиох амжилтын нэгээр бүртгэгдсэн ба франчайз бус атлаа баярын улиралд ч гараагүй байж ийнхүү амжилттай байгаа нь үзэгчид төдийгүй кино шүүмжлэгчдийн анхаарлыг багагүй татаад байгаа юм. Мэдээж “Sinners”-ийн гайхалтай амжилтад гол дүр бүтээсэн жүжигчид болон киноны зохиол нөлөөлсөн…
АНУ-ын Охайо мужийн Кливленд хотод байрлах “Rock and Roll Hall of Fame” буюу рок-н-роллын алдрын танхим хэмээх дуу хөгжмийн музейд мөнхлөгдөх уран бүтээлчдийн нэрс ням гараг /2025.04.27/-т тодорсон байна. Энэ жил нийт 14 нэр дэвшигч өрсөлдсөнөөс долоон хамтлаг, уран бүтээлч рок-н-роллын алдрын танхимд нэрээ үлдээж, мөнхлөгдөх уран бүтээлчдээр тодорсны нэг нь Сиэттл хотоос гаралтай, алдарт “Soundgarden” гранж рок хамтлаг аж. Америкийн Сиэттл хотоос үүсэлтэй гэгддэг гранж рок хөгжмийн урсгалыг домогт “Nirvana” хамтлаг 1990-ээд оны эхээр дэлхийд түгээж байсан бол “Soundgarden”, “Alice In Chains”, “Pearl Jam”, “Stone Temple Pilots”, “Mudhoney”, “Tad”, “Bush” зэрэг энэхүү урсгалаар уран бүтээлээ туурвидаг маш олон хамтлаг…
Монгол Улсын Гавьяат жүжигчин Ж.Дунжмаагийн нэрэмжит “Энх мэндийн баяр” өсвөрийн уртын дуучдын улсын уралдааныг Дундговь аймагт гурав дахь удаагаа зохион байгуулж байна. Уралдааны үеэр Ж.Дунжмаагийн намтар, уран бүтээлийн үзэсгэлэнг мөн дэлгэн толилуулж буй аж. Уралдаанд Дундговь, Говьсүмбэр, Ховд, Баянхонгор аймаг болон Улаанбаатар хотын өсвөрийн уртын дуучид оролцож байна. Тус уралдааны шүүгчээр Ардын жүжигчин Д.Түвшинжаргал, Гавьяат жүжигчин Б.Сарантуяа, Монгол Улсын Консерваторын багш Ц.Насанбат нар ажиллаж буй. Оюуны давтагдашгүй өв болох уртын дууны урын санг баяжуулах, өвлүүлэх, судлан сурталчлах, шинэ үеийн уртын дуучдыг тодруулах, соёлын биет бус өвийг сурталчлах зорилго бүхий тус уралдаанд 5-12 дугаар ангийн сурагчид хоёр насны ангиллаар оролцох ба…
УДБЭТ-ын уран бүтээлчид энэ амралтын өдрүүдэд буюу тавдугаар сарын 3, 4-нд “Трубадур” дуурийг толилуулах гэж байна. Италийн суут хөгжмийн зохиолч Ж.Вердийн томоохон бүтээлүүдийн нэг болох “Трубадур” дуурь нь дөрвөн бүлэг, найман үзэгдэлтэй. Энэ дуурийг анх 1853 оны нэгдүгээр сарын 19-нд Ромын Аполло театрт тоглож байсан бол 140 гаруй жилийн дараа Монголын тайзнаа амилуулсан билээ. Дуурийн үйл явдал XV зууны Испанийн иргэний дайны үед өрнөнө. Азучена болон залуу Ди Луна гүнтэн, түүний хайртай бүсгүй, гүнгийн эхнэр болохоор хүлээж буй Леонора хатагтай, гүнгийн өрсөлдөгч Манрико (гүнгийн төрсөн дүү боловч тэд өөрсдөө мэдэхгүй) гэсэн дөрвөн дүр дээр тулгуурлан өрнөдөг. “Трубадур” дуурийн либретто Нэгдүгээр бүлэг…