Төрийн шагналт “Баянмонгол” чуулга нь байгуулагдсан цагаасаа эхлэн олон арван алдартай уран бүтээлчдийг төрүүлэн гаргасан Монголын ууган хамтлаг чуулгуудын нэг юм. “Баянмонгол” чуулга нь тэдгээр алдартай, ахмад уран бүтээлчдийг дурсан санах, хойч үедээ уран бүтээлийг нь хүргэх зорилгоор ахмад үеийн болон орчин цагийн уран бүтээлчдээс бүрдсэн “Retro Swing” сэтгэлд хоногшсон дууны концертоо энэ сарын 22-нд Улсын филармонийн тайзнаа толилуулах гэж байна. Төрийн шагналт Баянмонгол чуулгаас гадна гавьяат жүжигчин Ж.Уранчимэг, дуучин Н.Оюунчимэг, О.Болдбаатар, П.Өнөржаргал, Н.Наранбаатар, Б.Дэлгэрбаяр, Д.Дүйнхэржав, Б.Одмандах нар тоглолтод оролцоно. Төрийн шагналт, урлагийн гавьяат зүтгэлтэн, хөгжмийн зохиолч Б.Нямдорж тоглолтыг удирдана.
Зохиогч: Урлаг
Хувцас загварт хоёр чиглэл бий. Тодруулбал, олон нийтэд зориулсан, их хэмжээгээр үйлдвэрлэгддэг прет портер чиглэл. Харин нөгөөх нь хаут кутюр чиглэл буюу дахин давтагдашгүй, цорын ганц, гар ажиллагатай бүтээл. Манайд энэ чиглэлээр дагнан уран бүтээл туурвидаг цөөхөн загвар зохион бүтээгч байдгийн нэг нь Д.Отгонжаргал юм. Азийн шилдэг загвар зохион бүтээгч Д.Отгонжаргал “O couture” тансаг зэрэглэлийн брэндийн загварын шоугаа жил бүр уламжлал болгон зохион байгуулдаг. Өнөө жил тус брэндийн 10 жилийн ой тохиож буй бөгөөд загварын шоугаа ирэх арванхоёрдугаар сарын 6-нд “АСА арена”-д хийх гэж байна. Энэ удаагийн шоуг хувцас загвар, өв соёл, дуу бүжиг, хөгжим гэрэлтүүлэг, авьяаслаг уран бүтээлчдийн шинэлэг…
Өнгөрсөн лхагва гараг /2024.11.13/-т Саудын Арабын Эр-Рияд хотод Ливаны загвар зохион бүтээгч Эли Сабын загварын карьерийн 45 жилийн ойд зориулсан “1001 Seasons of Elie Saab” загварын шоу боллоо. Эл шоуны “гялалзсан шигтгээ” нь алдарт дуучин Селин Дион байв. “Грэмми”-ийн таван удаагийн ялагч, өдгөө 56 настай Селин Дион “1001 Seasons of Elie Saab” шоунд 1993 оны хит “The power of love” болон 2002 оны “I’m alive” дуугаа дуулан, ёслолын ажиллагааг хаасан юм.
“Take Off” хамтлаг 20 жилийн ойн тоглолтоо энэ арваннэгдүгээр сарын 23-нд “Crocus event hall”-д толилуулах гэж буй. Тоглолтод тус хамтлагтай хамтран ажиллаж байсан уран бүтээлчид, үе үеийн Монголын boyband-үүдийн төлөөлөл оролцох юм. Тэгвэл тус хамтлагийнхан 20 жилийн ойдоо зориулан “Мартахгүй” дуугаа дахин шинэчлэн дуулж, шинэ клип бүтээжээ. “Мартахгүй” дууг тус хамтлагийнхан 2005 онд сонсогчдод анхлан хүртэж, 2006 онд энэхүү уран бүтээлээрээ нэрлэсэн “Мартахгүй” цомгоо гаргаж байв.
Үндэсний урлагийн их театрын уран бүтээлчид Монгол Улсын Консерватори, “Сити” их сургуулийн дуулаачийн ангийн оюутнуудтай хамтран 1980 онд анх тоглогдож байсан “Сүнжидмаа” дуулалт жүжгийг концертын хэлбэрээр толилууллаа.
“The booker prize” шагнал гардуулах ёслол энэ сарын 12-нд Лондон хотноо болж өндөрлөлөө. Эл шагнал 1968 онд бий болж, анхны шагналыг 1969 онд гардуулсан түүхтэй. Түүнчлэн 2013 он хүртэл тус шагналыг зөвхөн Их Британийн Хамтын нийгэмлэгийн орнууд болон Ирланд, Зимбабве улсын зохиолчдод л олгодог байсан бол түүнээс хойш бусад орны зохиолчид өрсөлдөх эрхтэй болсон юм. Хамгийн гол шалгуур нь шагналд өрсөлдөх бүтээл англи хэл дээр бичиж, хэвлэгдсэн байх ёстой аж. Өнөө жилийн “The booker prize” шагналыг Их Британийн зохиолч Саманта Харви “Оrbital” хэмээх номоороо хүртсэн байна. Шүүгчид түүний бүтээлийг “Уншигчдад дэлхий ертөнцийг сонин содон, цоо шинээр мэдрүүлэх гайхалтай зохиол болсон”…
“Соёлын бүтээлч сар” аяны хүрээнд Кино урлагийн салбарын уран бүтээлчдийн зөвлөгөөнийг зохион байгууллаа. Тус зөвлөгөөнөөр Кино урлагийн зөвлөлийн 2024-2028 оны стратеги төлөвлөгөө, 2023-2024 оны үйл ажиллагааны тайлан, 2025 оны төлөвлөгөө, “Монгол кино нэгтгэл” ТӨҮГ-ын хэтийн зорилт, бодлого, үйл ажиллагаа” болон Монголын кино урлагийн хөгжлийн талаарх хэлэлцүүлгийг өрнүүллээ.
“Зууны мэдээ” сонин энэ удаагийн “Өөр зочин” буландаа Үндэсний урлагийн их театрын гоцлооч, ёочинч Т.Өлзийжаргалыг урилаа. Түүний хувьд монгол хөгжмийн зохиолчдын уран бүтээлийг ёочин хөгжмөөр дэлхийд таниулж яваа авьяаслаг уран бүтээлч юм. Польш, Итали, Япон, Хятад, Солонгос, Катар, Кувейт зэрэг орноор уран бүтээлээ туурвисан юм. -Та хэдхэн хоногийн дараа дөрөв дэх бие даасан тоглолтоо хийх гэж байна. Энэ удаагийн тоглолт юугаараа онцлог вэ? -“Winter Classic” тоглолт маань өвөл цагийг угтсан сонгодог хөгжмийн тоглолт. Ёочин хөгжим дээр дэлхийн сонгодог бүтээлийг тоглохоос гадна Монголын болон Хятадын шилдгүүдийг үзэгч, сонсогчдодоо өргөн барина. Би хамгийн анхны бие даасан тоглолтоо 2011 онд Улсын филармонийн симфони…
Дэлхийн хошой аварга, Монгол Улсын Гавьяат тамирчин Ц.Раднаагийн тухай “Цагаан зээрийн янзага” баримтат киноны нээлт өчигдөр /2024.11.13/ боллоо. Тэрбээр анх 400 метрийн зайд дэлхийн аварга болж байв. Түүний гүйлтийн техник үнэхээр сайн, алхаа том, хөлийн таталт тавилт нь мэргэжлийн залуу тамирчин гүйж байгаа аятай харагддаг гэгддэг. Түүнчлэн тэрбээр дасгалжуулагчгүй, шинжлэх ухаанч бэлтгэлийн төлөвлөгөө ч байхгүй ч гэлээ өөрийгөө мэдэрчихсэн, өөртөө яг таарсан өөрөө зохиосон бэлтгэлийн хуваарьтай, Туулын шугуйд өөрийн гаргасан бэлтгэлийн талбайтай. Гантельтай дасгал тогтмол хийдэг аж. Ц.Раднаа нь ДАШТ-д амжилт үзүүлэн Монгол Улсаа сурталчлаад зогсохгүй хүн залуугаасаа өөрийн эрүүл мэндэд анхаарч, үргэлж дасгал хөдөлгөөн хийж, амьдралын идэвхтэй хэв маягийг…
“Монгол уламжлалт хэл хуурын өдөр” баярын хурал 2024 оны арваннэгдүгээр сарын 11-ний өдөр болж 21 аймаг, есөн дүүргийн 300 гаруй өвлөн уламжлагч, тоглооч судлаач урлаач, хэл хуур сонирхогч нар оролцлоо. Баярын хурлаар урлаачдын бүтээл, 160 улсын хэл хуурын үзэсгэлэн, судлаачдын илтгэл, улсын хэмжээн дэх өвлөн уламжлагч нарын тайлбарт тоглолт болсон юм. Энэхүү Монгол уламжлалт хэл хуурын өдрийг цаашид жил бүр тэмдэглэх ажээ.