Удам залгасан уран бүтээлч С.Ариунбямба тун удахгүй дэлгэцийн шинэ хоёр уран бүтээлээр үзэгчидтэй уулзах гэж байна. Тодруулбал, түүний тоглосон “В1 давхар” адал явдалт уран сайхны кино ирэх оны нэгдүгээр сарын 1-нээс нээс үзэгчдийн хүртээл болно. “Ирээдүй чинь Эр хүн таны гарт” гэдгийг харуулах эл киног “Mongol stunt team”-ийн залуус бүтээжээ. Мөн ирэх оны нэгдүгээр сарын 16-наас С.Ариунбямбын гол дүрд нь тоглосон “Бүсгүй” уянгын драмын кино олны хүртээл болно. Энэхүү уран бүтээлийг “Хурд” хамтлаг 30 жилийн ойдоо зориулан “Бүсгүй” дуунаасаа сэдэвлэсэн бүтээсэн аж. Ташрамд дурдахад, Монголын тайз, дэлгэцийн урлагийн тод сод уран бүтээлч С.Ариунбямба СУИС-ийг 2000 онд төгсөж, ажлын гараагаа аавынхаа…
Зохиогч: Урлаг
“Nutcracker” буюу “Цөмөгч цэрэг ба хулганы хаан” сонгодог хөгжмийн үлгэр медиа арт төрлийн үзвэр болгон хүргэх гэж байна. Дэлхийн шилдэг хөгжмийн зохиолч П.И.Чайковскийн “Цөмөгч цэрэг ба хулганы хаан” сонгодог хөгжмийн үлгэрээс сэдэвлэсэн тайз, дэлгэц хосолсон орчин үеийн технологийн шийдэл бүхий медиа арт төрлийн үзвэрийг арванхоёрдугаар сарын 25-нд буюу Зул сарын баярын өдрийг тохиолдуулан Улсын Драмын эрдмийн театрын тайзнаа тавих гэж байна. Тус үзвэрийг зохион байгуулж буй “Улаанбаатар” оркестр нь “Цөмөгч цэрэг ба хулганы хаан” сонгодог хөгжмийн үлгэр дээр суурилан дүрүүдийг шинэчлэн бүтээж, 40 гаруй хөдөлгөөнт зургуудыг нэг бүрчлэн дижиталаар зурсан бөгөөд медиа урлаг болон тайзны урлагийг хослуулсан шинэлэг хэв маягийн…
Монголын балетын урлагийг олон улсын үзэгчдэд таниулах зорилгоор үйл ажиллагаа явуулдаг “Элит балет” компанийнхан энэ сарын 21-нд БНСУ-д тогложээ. Тэд П.И.Чайковскийн алдарт “Щелкунчик ба гайхамшгийн орон”-ыг медиа арт балетын хэлбэрээр Солонгосын “Eoul art center”-т хоёр удаа тоглосон байна. Тоглолтод манай улсын Консерваторын балетын ангийн 27 оюутан, сурагч, уран бүтээлч оролцсон аж. Тус компанийнхан орчин цагийн үзэгчид, залуусын эрэлт хэрэгцээ, сонирхлыг судалсны үндсэн дээр медиа арт төрлийг балетын урлагт нэвтрүүлээд байгаа билээ. Монгол хүн балетын урлагийг техник, технологийн дэвшил, видео эффект, 3D виртуал орчин, холлограм зэрэгтэй анх удаа хослуулан медиа арт хэлбэрээр олон нийтэд хүргэснээрээ тэдний уран бүтээлүүд онцлогтой. “Энэхүү бүтээлийг…
Баянхонгор аймгийн Ерөнхий боловсролын Номгон сургуулийн 7г ангийн сурагч, морь цоллооч Т.Тэмүүлэн Монгол Улсын “Оны онцлох хүүхэд”-ээр шалгарчээ. Т.Тэмүүлэн 2024 онд олон улсын хоёр уралдаанд амжилттай оролцож тэргүүн байр, гуравдугаар байр, улсын чанартай таван уралдаанд оролцож тус тус тэргүүн байрыг эзэлсэн байна. Мөн аймаг, сум орон нутгийн баяр наадмуудад бүх насны 100 гаруй хурдан шандаст хүлгийн цолыг дууджээ. Түүнээс гадна өөрөө бие даан 20 гаруй ерөөл магтаалыг сурч, монгол уламжлалт өв соёлоо олны хүртээл болгон дэлгэрүүлж байна.
Австралийн Перт хотноо олон улсын олон үндэстний кино наадам боллоо. Эл наадмын шилдэг уран бүтээлээр Монголын уран бүтээл “Шар гэгээ” уран сайхны кино шалгарлаа. Найруулагч Б.Батдэлгэрийн эл бүтээл өнгөрсөн 2023 оны аравдугаар сард үзэгчдийн хүртээл болж, нээлтээ хийсэн бөгөөд ийнхүү олон улсын наадмаас тав дахь шагналаа хүртэж буй нь энэ юм. Төрийн шагналт, Соёлын гавьяат зүтгэлтэн Ш.Гүрбазарын зохиолоос сэдэвлэсэн тус дэлгэцийн бүтээл 15 дахь удаагийн “Улаанбаатар” олон улсын кино наадмын шилдэг гурван төрөлд шалгарч, “Хангарьд” цомын эзэн болсоноос гадна оны шилдэг уран бүтээл, уран бүтээлчид гардуулдаг “Мөнгөн мод” цомыг хүртэж байв.
“Сонгодог урлагийн хөгжлийг дэмжигч Ц.Пүрэвдорж сан”-гаас Хөдөлмөрийн баатар, Ардын жүжигчин, XX зууны манлай дуурийн дуучин Ц.Пүрэвдоржийн нэрэмжит Ари, романс дуулаачдын олон улсын VI уралдааныг арванхоёрдугаар сарын 13-17-нд зохион байгууллаа. Өнөө жилийн уралдааны нийт шүүгчдийн бүрэлдэхүүний 80 орчим хувь нь гадаадын мэргэшсэн дуурийн уран бүтээлчид байснаараа онцлог юм. Тодруулбал, Итали, Япон, Орос, Хятадаас олон улсын шүүгчид хүрэлцэн ирж, уралдааныг шүүсэн байна. Энэ жилийн уралдааны гранпри шагналыг цагдаагийн “Сүлд” чуулгын дуучин, баритон Т.Санжаа хүртжээ. Түүнчлэн өнөө жил Хөдөлмөрийн баатар, Ардын жүжигчин, XX зууны манлай дуурийн дуучин Ц.Пүрэвдоржийн мэндэлсний 95 жилийн ой тохиож буй. Мөн Монгол Улсад мэргэжлийн дуучин бэлтгэж эхэлсний дэг сургалт…
“Malcolm in the Middle” буюу “Малкольмын эргэн тойронд” нэрээр Монголын үзэгчдийн сэтгэлд хоногшсон цуврал анх 2000 онд олны хүртээл бол байв. Нэгэн америк гэр бүлийн бүтэлгүй атлаа хөгжилтэй, сургамжтай түүхийг өгүүлдэг энэхүү ситком цуврал нь нийт долоон бүлэг, 151 анги цацагдсаны эцэст 2006 онд өндөрлөсөн юм. Тэгвэл тус цувралын зохиолч Линвуд Бумер “Malcolm in the Middle”ийн шинэ ангиудыг “Disney+” платформтой хамтран бүтээхээр болсон талаараа албан ёсоор мэдэгджээ. Эл шинэ бүлэг нь нийт дөрвөн ангитай байх бөгөөд Малкольмын дүрийг бүтээсэн жүжигчин Фрэнки Муниз, Малкольмын аав, ээжийн дүрд тоглосон Брайан Крэнстон, Жэйн Качмарек нар дахин дүрээ бүтээхээр болсон байна. 18 жилийн дараа…
“Bortua” брэндийн үүсгэн байгуулагч, загвар зохион бүтээгч Бортуаг онцлон танилцуулъя. Ажлын гараагаа “Монгол костюмс”-т дизайнераар ажиллан эхлүүлсэн Бортуа 2013 онд олон улсын үндэсний хувцасны фестивальд “Дөрвөлжин бичиг” коллекцоороо эх орноо төлөөлөн амжилттай оролцож байв. Түүнчлэн 2014 онд “Дайчин” коллекцоо олны хүртээл болгож байлаа. Улмаар 2014 онд үндэсний өв соёлоо түгээн дэлгэрүүлэх зорилгоор үндэсний хувцас загварын урлангаа “Bortua” нэрээр нээж, 2023 онд албан ёсоор “Bortua” ХХК болгон өргөжүүлж, үйл ажиллагаагаа тэлэн, бараа бүтээгдэхүүнийхээ тоог нэмэн цар хүрээгээрээ улам өргөтгөөд буй. Үндэсний хэв загвартай хувцасыг орчин үеийн, өдөр тутмын, гоёлын, тайзны, түүхэн уламжлалт зэргээр төрөл бүрийн загвартай хоршуулан урласаар ирсэн тэрбээр Монголын…
Монголын уран зургийн галерей нь “Урлагийн бүтээл сэргээн бүтээлгэх” төсөл хэрэгжүүлж буй. Эл төслийн хүрээнд “Алтан гадас” одонт, зураач О.Эрдэнэцогт “Хараа” уран зургаа дахин сэргээн бүтээлээ. Зураач О.Эрдэнэцогт энэхүү бүтээлээ 1991 онд зурсан бөгөөд түүний бүтээлүүд нь төсөөлөл, зүүдний ертөнцийг харуулж буй мэт боловч угтаа амьдралын мөн чанар, хүмүүний орчлонгийн учрал хагацал, өрнөл тэмцлийг өгүүлэх гүн гүнзгий утга санааг илэрхийлсэн байдаг. “Урлагийн бүтээл сэргээн бүтээлгэх” төсөл нь галын гэмтэлтэй сэргээн засварлах боломжгүй уран зургийг зураачаар нь дахин зуруулах зорилготой төсөл юм.
СУИС-ийн Театрын урлагийн сургуулийн Б.Отгонбат багштай “Жүжиглэх урлаг” хөтөлбөрийн 3А дамжааны оюутнууд Оросын нэрт зохиолч Елена Дмитриевна Гальцовагийн “Од хүү” хүүхдийн жүжгийг тоглолоо.